अखण्ड सम्बाददाता
१५ माघ २०८२ डडेल्धुरा
लोप हुँदै गईरहेको रैथाने वीउ संरक्षणका लागि अमरगढी ५ सेलागाउँमा जैबिक विविधता कार्यक्रम संचालन हुने भएको छ ।
अमरगढी नगरपालिकाको आर्थिक वर्ष २०८२÷०८३ को संघिय शशर्त स्वीकृत कार्यक्रम बमोजिम कृषि जैबिक बिबिधता संरक्षण तथा सामुदायिक वीउ बैंक सुदृढिकरण कार्यक्रम अन्र्तगत सामुदायिक वीउ बैंक स्थापनाका लागि कृषक अमरगढी ५ सेलागाउँमा रहेको कृषकलाई सामुदायिक वीउ बैंक समबनिध अभिमुखिकरण गरिएको हो ।
असिग्राम बहुउद्देश्यीय कृषि समुहका अध्यक्ष जगन्नाथ ओस्थीको अध्यक्षतामा सम्पन्न अभिमुखिकरण कार्यक्रममा अमरगढी नगरपालिकाको कृषि विकास शाखाका प्राबिधिक दिपक सिं ऐरले स्थानीय स्तरमा कृषकले उत्पादन गर्दै आएका विविध रैथाने अन्न तथा नगदे वाली लोप हुँदै गएकोले यसको संरक्षण गर्न कार्यक्रम लागु गर्न लागिएको बताउनु भयो ।
उहाँले परम्परागत रुपमा रहेका रैथाने वालीहरु धान, रातामकै, काउन, कोदो, सोट्टासिमी, चोतो(मूला), लगायत कृषकले रुचाएका र पछिल्लो समय लोप हुँदै गएका वालीको वीउ प्रबद्र्धन गर्दै वीउपूँजी समेत खडा गरिने बताए ।
विगत चार वर्ष देखि आलु तथा ताजा तरकारी खेती कार्यक्रममा क्रियासिल समूहका कृषकहरुले अभिमुखिकरण तथा अन्र्तक्रियामा रैथाने वाली संरक्षण कार्यक्रम कार्यान्वयन र संचालनमा प्रतिबद्धता जनाउनुका साथै गरिरहेको खेतीकृषिमा जंगली जनाबर बाँदरबाट आतंकित भईरहेको प्रति चिन्ता व्यक्त गरेका छन ।
आलु खेतीका लागि आलु सुपर जोनबाट तारजाली घरेबार लगाए पछि तरकारीबाट मनग्गे आम्दानी गर्न सफल भएका र उत्साहित देखिएका यस क्षेत्रका किसानहरु आफूसँग भएको रैथाने वालीको वीउ साँटासाँट गरि नयाँ प्रणालीको रैथाने वाली प्रति पनि आकर्षित भएका छन ।
सामुदायिक वीउ बैंक स्थापना कार्यक्रम संचालन भए समुह र समुदायमा रैथाने वालीको संकलन, प्रदर्शनी र भण्डारण, वीउ पुँजी कोष स्थापना गर्ने लगायतका विविध कार्यक्रम समेत संचालन गरिने कार्यक्रमको लक्ष्य रहेको प्राबिधिक ऐरले बताउँनु भयो ।
