२० फागुन २०८२
अखण्ड सम्बाददाता डडेल्धुरा
फागुन २१ अर्थात भोली हुन गईरहेको प्रतिनिधि सभा सदश्य निर्वाचनको तयारी डडेल्धुरामा पनि पुरा भएको छ ।
एक मात्रै प्रतिनिधि सभा सदश्य निर्वाचन क्षेत्र रहेको डडेल्धुरामा ७ स्थानीय तहका १३२ सामुदायिक विद्यालय, २ वडा कार्यालय, ६ स्वास्थ्य संस्था, एक टुंडिखेल खुल्ला चौर कभर्ड हल सहित स्थायी १४१ र अस्थायी मतदान केन्द्र कारागार कार्यालय गरि जम्मा १०४ मतदान स्थल तथा १४२ मतदान केन्द्रमा आवश्यक तयारी पुरा भएको मुख्य निर्वाचन अधिकृत तथा जिल्ला न्यायाधिश अरुण कुमार कोईरालाले जानकारी दिनु भयो ।
यस्तै जिल्लाका सबै मतदान केन्द्रमा निर्वाचन अधिकृत सहित निर्वाचन सामग्री पनि पुगि काम शुरु भईसकेको र निर्वाचनलाई भय रहित एवं विश्वासिलो बनाई शान्तिपूर्ण निर्वाचन सम्पन्नका लागि सुरक्षा संयन्त्र परिचालन तथा आन्तरिक र बाह्य सुरक्षा प्रणालीलाई चुस्त दुरुस्त र प्रभावकारी बनाउन मुख्य निर्वाचन अधिकृतको सहभागितामा सरोकारवाला निकाय, सुरक्षा अधिकारी सहित अनुगमन तथा बैठकलाई तिब्रता दिदै योजनाबद्ध रुपमा काम अगाडी बढिरहेको जिल्ला सुरक्षा समितिका अध्यक्ष तथा प्रमुख जिल्ला अधिकारी विष्णु प्रसाद कोईरालाले जानकारी दिनु भयो ।
उहाँले डडेल्धुरामा निर्वाचन आचार संहिता उल्लंघनको लिखित उजुरी नआएको समेत बताउनु भयो । 
भोली हुने निर्वाचन तथा मतदानका लागि डडेल्धुरा जिल्लामा ४६९५७ पुरुष र ४६४४६ महिला गरि कुल जम्मा ९३४०३ मतदाता रहेका छन । यस अघि २०७९ को प्रतिनिधि सभा सदश्य निर्वाचनमा डडेल्धुरामा ९२२०१ रहेका थिए ।
